Kainos Ministries

Revealed at 08.10pm  on Thursday  16 April .2015

 

 

സഭകളിൽ നിന്ന് സഭകളിലേക്കുള്ള പ്രയാണം 

​

​

 

കർത്താവ് അരുളി ചെയ്യുന്നു:

നിന്റെ വിശ്വാസം നിന്നെ  രക്ഷിച്ചിരിക്കുന്നു.

 

മകളെ നീ എന്ത് വിശ്വസിക്കുന്നു?

യേശു ക്രിസ്തു ദൈവ പുത്രൻ എന്നോ ?

അതു സത്യം തന്നെ.  സകല ജനവും അതു വിശ്വസിക്കുന്നു.

യേശുക്രിസ്തുവിന്റെ പേർ കേട്ടിട്ടുള്ളവർ അവൻ ദൈവപുത്രൻ എന്ന് വിശ്വസിക്കുന്നു.

 

നീ നിന്റെ അപ്പന്റെ മകൾ എന്ന് വിശ്വസിച്ചാൽ നിനക്ക് അവകാശം ലഭിക്കുമോ ?

നീ നിന്റെ അപ്പന്റെ മകൻ  എന്ന് വിശ്വസിച്ചാൽ നിനക്ക് അവകാശം ലഭിക്കുമോ ?

 

അബ്രാഹാമിന്റെ അവകാശിയായതു യിസ്സഹാക്ക് തന്നെ .

യിസ്സഹാക്കിന്റെ അവകാശിയായതു യാക്കോബ് തന്നെ.

യഹൂദയിൽ നിന്ന് ദാവീദിന്റെ സന്തതിയായി യേശുക്രിസ്തു ജനിച്ചു.

 

മക്കളേ, പാഠങ്ങൾ ശ്രദ്ധയോടെ പഠിച്ചാൽ അതിൽ  നിന്നു നീ ഗ്രഹിക്കേണ്ടത് ഗ്രഹിക്കും .

പാഠങ്ങൾ കാണാപ്പാഠം ആക്കിയാൽ അത് നിനക്ക് ഒരു ഗുണവും ചെയ്യില്ല.

 

വിളക്കു കത്തിച്ചാൽ വെളിച്ചം ലഭിക്കും എന്ന് നിനക്കറിയാം .

ഇരുട്ടിൽ ആ വെളിച്ചം നിനക്ക് പ്രയോജനം ചെയ്തില്ലെങ്കിൽ  ; ആ വെളിച്ചം നീ പ്രയോജനപ്പെടുത്തിയില്ലങ്കിൽ ആ വിളക്കു നിനക്ക് ഒരു കാഴ്ചവസ്തു മാത്രമായിരിക്കും.

 

നഷ്ടപ്പെട്ടു പോയത് തിരഞ്ഞു കണ്ടു പിടിക്കണമെങ്കിൽ കണ്ണിനു കാഴ്ചയുണ്ടായിരിക്കണം .

നഷ്ടപ്പെട്ടു എന്നു പറയുന്നത് മുന്നമേ നിന്റെ കൈയിൽ ഉള്ളതായിരിക്കുമല്ലോ.

അത് നീ തിരയുന്നത് നീ പോയ വഴിയിലൂടെ നടന്നാൽ മാത്രമേ കിട്ടുകയുള്ളു,

നീ കടന്നു പോയ വഴികളിൽ നീ അന്വേഷിക്കുമ്പോൾ നിനക്ക് നഷ്ടപ്പെട്ട ഇടത്തു നിന്നു നിനക്ക് കണ്ടു പിടിക്കുവാൻ സാധിക്കും .

മറ്റൊരു ദിശയിലേക്കു നീ അന്വേഷണം ആരംഭിച്ചാൽ നിനക്ക് കിട്ടുന്നത് കൊണ്ട് തൃപ്തിപ്പെടേണ്ടി വരും .

 

ഇന്ന് യിസ്രായേലിന്റെ മക്കളും യാക്കോബിന്റെ സന്തതിയും ഇങ്ങനെ തന്നെ. .

 

സഭകളിൽ നിന്ന് സഭകളിലേക്കുള്ള ഓട്ടം ;

വിശ്വാസത്തിൽ നിന്നു വിശ്വാസത്തിലേക്കുള്ള ഓട്ടം;

സ്നാനത്തിൽ നിന്നു സ്നാനത്തിലേക്കുള്ള ഓട്ടം .

 

മുട്ടയുടെ ഒരു വശത്തു നിന്നു എതിർ ദിശയിലേക്കു വിരലോടിച്ചാൽ അത് അവിടെത്തന്നെ വന്നു നിൽക്കും .

 

കർത്താവ് ഒരുവൻ,

വിശ്വാസം  ഒന്ന്,

സ്നാസം ഒന്ന്.

ദൈവം ഏകൻ തന്നെ. .

 

നിന്റെ കൂട്ടുകാരനെ നിന്നെപ്പോലെ തന്നെ സ്നേഹിക്കേണം എന്നു ഞാൻ നിന്നോട് പറഞ്ഞു.

ദൈവത്തോടുള്ള സ്നേഹവും അത് തന്നെ.

 

ഓട്ടക്കളത്തിൽ നിന്റെ കൂട്ടുകാരനെ നീ പിന്തള്ളുമ്പോൾ എവിടെപ്പോയി നിന്റെ സ്നേഹം .?

നിന്റെ ഉള്ളിൽ സ്നേഹം ഇല്ലെങ്കിൽ നിന്റെ രക്ഷയും ദൂരെത്തന്നെ .

 

വചനം നീ എവിടെ നിന്നു കേട്ടാലും അത് ദൈവത്തിൽ  നിന്നുള്ളത്  തന്നെ. 

 

നിന്റെ പറമ്പിൽ നിന്നു നീ മുറ്റത്തു കയറുമ്പോഴും , മുറ്റത്തു നിന്നു വീടിനുള്ളിൽ കയറുമ്പോഴും വീടിനുള്ളിൽ നിന്നു അടുക്കളയിൽ കയറുമ്പോഴും ഇതൊന്നും നിനക്ക് അന്യമാകുന്നില്ലല്ലോ.

നിന്റെ കൂട്ടുകാരൻ അങ്ങനെ തന്നെ.

 

സകലത്തിലും വലിയത് സ്നേഹം തന്നെ.

 

End 08.37pm