Kainos Ministries
The WORD OF GOD
for the New Generation
Revealed on Thursday, 9 June 2016 at 9.55AM
പ്രവാചകനെ ദൈവം അയയ്ക്കുന്നു. പുരോഹിതനെ ദൈവം വിളിക്കുന്നു.
ഒരുവൻ പാപത്തെക്കുറിച്ചു ബോധം വരുത്തുന്നു. ഒരുവൻ പാപത്തിനു വേണ്ടി പ്രതിക്രിയ ചെയ്യുന്നു .
ഒരുവൻ അധികാരത്തോടെ പറയുന്നു. ഒരുവൻ താഴ്മയോടെ യാചിക്കുന്നു .
ജനം പ്രവാചകന്റെ വാക്കുകൾ കേട്ടു പുരോഹിതനെ അനുഗമിക്കേണ്ടതാകുന്നു .
നല്ലതിന് വേണ്ടി പറയുന്നതു തീയതാക്കി കളയരുത് .
ശുദ്ധിയില്ലാത്ത പാത്രത്തിൽ നിന്ന് വെള്ളം കുടിക്കരുത്.
പാത്രം കഴുകി വെടിപ്പാക്കിയതിനു ശേഷം അതിൽ വെള്ളം പകർന്നു കൊൾക .
കഴുകുന്നവൻ അദ്ധ്വാനിക്കുന്നു . പാത്രം വെട്ടിത്തിളങ്ങുന്നു . തേച്ചുരച്ചതിനു ശേഷം മാത്രമേ കരിയും ചാരവും കഴുകി കളയുകയുള്ളു .
നാശം സംഭവിക്കേണ്ടവൻ ദുർവ്യാഖ്യാനം ചെയ്യുന്നു.
ഫലം കിട്ടേണ്ടവൻ ക്ഷമയോടെ കാത്തിരിക്കുന്നു .
രാജ്യത്തിന്റെ വിശുദ്ധീകരണം രാജാവിന്റെ പദ്ധതി തന്നെ .
മാലിന്യങ്ങൾ നീക്കിക്കളയുമ്പോൾ രാജപാതകളിൽ നിന്ന് ജയഘോഷം മുഴങ്ങും . കഴുതക്കുട്ടികൾ ആദരിക്കപ്പെടും . ഉയർന്നു നിൽക്കുന്നവൻ താഴ്ന്നു നിൽക്കുന്നവനെ വലിയവൻ എന്നെണ്ണും.
ദൈവത്തിന്റെ കൃപയിൽ ആശ്രയിക്കുന്നവർ അവന്റെ മഹത്വം കാണും.
ദൈവം വിശുദ്ധനാകുന്നു .
ആമേൻ