Kainos Ministries

​

​

സോദോമിനെ പ്പോലെ  ഗൊമോറയെപ്പോലെ എന്റെ കോപാഗ്നിക്കു ഇരയാകരുത്.

 

എന്റെ മുന്നറിയിപ്പ് കേൾക്കാത്തവർക്കു തീയും ഗന്ധകവും ഫലം.

 

അനുസരണം കെട്ടവരുടെ മേൽ ബാധകൾ പെരുകുന്നു.

മിസ്രയീമിലെ തവളയും നായീച്ചയും ഇന്നുമുണ്ട്.

തേനീച്ചകൾ കൂട്ടമായി പറക്കുന്നതും ഒരുവനെ ആക്രമിക്കുന്നതും നിങ്ങൾ കണ്ടിട്ടില്ലേ ?

 

പാപത്തിനു ശിക്ഷയുണ്ട് .മനം തിരിയുന്നവർക്കു മോചനവുമുണ്ട്.

അത് യഹോവയുടെ വാക്ക്.

 

നിനവേ അനുതപിച്ചു. രാജാവുൾപ്പടെ വെണ്ണീറിലിരുന്നു .

അവരുടെ ദുഷ്ടത അവർ ഉപേക്ഷിച്ചു കളഞ്ഞു.

അവർക്കു പാപമോചനം കിട്ടിയത് നിങ്ങൾ ഓർത്തുകൊൾക.

 

ഒരിടത്തു തീയും ഗന്ധകവും വീണപ്പോൾ ഒരിടത്തു പാപമോചനം .

ഒരിടം അഗ്നിക്കിരയായപ്പോൾ മറ്റൊരിടത്തു രക്ഷയുടെ വാതിൽ തുറന്നു.

 

സകലയിടവും മാരക രോഗം കൊണ്ട് നിറഞ്ഞിരിക്കുന്നു. എന്റെ പേരിൽ നിങ്ങൾ ആശുപത്രികൾ പണിയുന്നു.

നിങ്ങളുടെ ആശുപത്രികൾ നിങ്ങളെ രക്ഷിക്കാതെ വരുമ്പോൾ നിങ്ങൾ എന്റെയടുക്കൽ മടങ്ങി വരുന്നു .

 

എന്നെ ഭജിക്കുന്നു എന്ന് പറയുന്നവൻ  തന്നെ എനിക്ക് ലോകാപവാദം വരുത്തുന്നു .

നാവുകൊണ്ട് എന്നെ ഭജിച്ചിട്ടു ഹൃദയം കൊണ്ട് ദൂരെ മാറിയിരിക്കുന്നു .

 

വിവേകം പഠിപ്പിൻ.

 

 

യോഹന്നാന്റെ കഴുത്തു വെട്ടി .

ഹെരോദ്യമാർ ഇന്നും രാജാസനങ്ങളിൽ വിലസുന്നു.

നിങ്ങളുടെ മക്കളെ നിങ്ങൾ നൃത്തം പഠിപ്പിക്കുന്നു . പ്രവാചകന്മാരുടെ തല കൊയ്യാൻ.

അമ്മയോടൊത്തു ശയിക്കുന്നവൻ മകളുടെ അംഗലാവണ്യം കണ്ടു ആസ്വദിക്കുന്നു.

 

ഞെരിച്ചു കളയും ഞാൻ .

ബിലയാമിന്റെ കഴുതയില്ലായിരുന്നുവെങ്കിൽ ഞാനവനെ വാളിനിരയാക്കുമായിരുന്നു.

 

ഞാൻ  തീക്ഷ്ണതയുള്ളവൻ. 

 

എന്റെ പുത്രൻ എന്റെ സാക്ഷി.

അവൻ എന്നെ നിങ്ങളുടെ മുന്നിൽ വെളിപ്പെടുത്തിയിരിക്കുന്നു.

ദൈവം തീക്ഷ്ണതയുള്ളവൻ ആകുന്നു.

​